«فتاة» تكتب قصيدة مؤثرة اجبرها «والدها» الزواج من شخص لاتحبه

فتاة اجبرها والدها على الزواج من شخص لاتحبه وقالت هذه الابيات:
يابوي خلوني على كيفي اختار
يابوي هذا العرس مابه غصيبه
يابوي لاترمون قلبي على النار
وتصير بكرا ياجماعة مصيبة
يابوي انا اللي عارفه كل الاسرار
قلبي وانا ادري في دواه وطبيبه
يابوي انا مليت من كثر الأشوار
والموت من شور القريب لقريبه
يبه يبه يامكرم الضـــيف والجار
ياسيدي ياتــاج راسـتتي وحبيبه
لوشفت دمعي تــالي الليل مدرار
النوم حاربــني وأنــــا له حريبه
في خاطري هم وهواجيس وافكار
ماجابت الورقا من النــوح أجيبه
الله يعين اللــي من الـــهم محتـار
أعيش في دنيـــاي مثل الغــــريبة
الحلم الأول مات يابوي وانهار
ذبحت حلــــــــمي ليه والله عجيبة
يابوي زاد الهم ضاقت بي الدار
صارت حــياتي ياحياتي صعـــيبة
وش عاد لو في غرفتي ورد وازهار
أشوفـــــها يابـــــــوي مثلي كئيبة
ياتاج راسي لاتحملني أوزار
تكفا طلبــــتك لاتـــــزيد المصيبة

ودمتم بخير

» بين التوافق والإختلاف قبل وبعد الزواج

أدخل البريد الإلكترونى ليصلك الجديد

«فتاة» تكتب قصيدة مؤثرة اجبرها «والدها» الزواج من شخص لاتحبه